Arrestohet zvicerani i dytë në lidhje me vrasjet neonaziste në Gjermani

Është arrestuar edhe zvicerani i dytë në lidhje me serinë e vrasjeve të kryera nga neonazistët në Gjermani. Këtij zvicerani nga regjioni i Bernës i është shqiptuar masa e paraburgimit nga një gjyqtar hetues i Bernës.

Javë më parë qe njoftuar në mediet e këtushme edhe për një të dyshuar tjetër zviceran për lidhje me serinë e vrasjeve të përmendura.

Një zëdhënës i Policisë Kantonale të Bernës ka vërtetuar një raport të gazetës “Bund” sipas të cilit janë duke u zhvilluar hetime për mbështetje të një organizate kriminale.

Autoritetet gjermane kanë vendosur bashkëpunim me prokurorinë e Berner Oberland për të ndriçuar serinë e vrasjeve me prapavijë neonaziste.