Hetime ndaj ministrit turk: mohoi gjenocidin

Ndërkaq, Ministria e Jashtme e Turqisë i konsideron të papranueshme hetimet kundër ministrit

Zvicra po zhvillon hetime ndaj ministrit turk për çështje të Evropës, Egemen Bagis, i cili dyshohet të ketë mohuar ekzistimin e gjenocidit turk mbi armenët.

Këtë mohim, që me ligjin zviceran kundër racizmit konsiderohet vepër penale, Bagis do ta ketë bërë gjatë pjesëmarrjes së tij në Forumin e Davosit. Ai është denoncuar nga shoqata “Zvicër-Armeni”.

Nga ana tjetër, Ministria e Jashtme e Turqisë i konsideron të papranueshme hetimet kundër ministrit turk.