Malev ka ndaluar të gjitha operimet

Kompania hungareze "Malev" ka borxhe diku rreth 270 milionë dollarë dhe nuk ka arritur të gjejë investitorë të rinj

Kompania ajrore, Malev tha se ka ndaluar të gjitha operimet dhe ka ulur të gjithë aeroplanët për të “minimizuar dëmin” meqë situata financiare e saj po bëhet e paqëndrueshme.

Malev ka borxhe diku rreth 270 milionë dollarë dhe nuk ka arritur të gjejë investitorë të rinj.

Kompania tha se ka ndaluar të gjitha fluturimet të premten në mëngjes. 

Kryeministri hungarez Viktor Orban tha se dy aeroplanë të Malevit gjenden ende jashtë vendit, një në Tel Aviv dhe tjetri në Irlandë.

Në janar, Bashkimi Evropian e urdhëroi Malevin që të shlyejë afër 400 milionë dollarë të subvencioneve ilegale shtetërore, që kishte marrë në mes të vitit 2007d he 2010, meqë BE kishte gjetur se ishin shkelur rregullat e konkurrencës së BE-së.