Ambasadori Malaj priti pilotin James Berisha

Në një komunikatë për shtyp që ka dërguar Ambasada e Republikës së Kosovës në Bernë bën të ditur se ambasadori i Kosovës, Naim Malaj i ka organizuar një pritje pilotit shqiptaro-amerikan James Berisha.

Piloti Berisha, deri sa ndodhej në një fushatë për sensibilizimin e shteteve të Afrikës për njohjen e Republikës së Kosovës qe mbajtur në burg për disa muaj në Eritrea.

Me këtë rast “James Berisha ka shprehur njëherësh mirënjohjen e tij të thellë për angazhimin e institucioneve të Republikës së Kosovës dhe të Ambasadës së Kosovës në Bernë për përpjekjet për lirimin e tij nga burgu në Eritrea”, thuhet në komunikatën e Amabasadës së Kosovës në Bernë.