SVP-UDC mbetet në pozitë

SVP-UDC vazhdon të jetë e interesuar për të pasur dy vende në Qeverinë Federale por "megjithatë, më mirë një vend se asnjë"

Delegatët e SVP-UDC-së, të tubuar sot në kuvendin e tyre morën vendimin që të vazhdojnë qëndrimin në qeveri. Ata me këtë rast përkrahën me 442 vota qëndrimin e kreut të partisë për të mbetur në pozitë. Kundër ishin vetëm 25 veta ndërsa 7 ishin të përmbajtur.

Siç ka thënë Adrian Amstutz në këtë kuvend, SVP-UDC vazhdon të jetë e interesuar për të pasur dy vende në Qeverinë Federale por “megjithatë, më mirë një se asnjë”, ka arsyetuar ai mbetjen në pozitë.

Sipas kësaj, përfaqësuesi i vetëm i SVP-UDC-së në qeveri, ministri aktual i mbrojtjes, Ueli Maurer do të vazhdojë të ushtrojë funksionin e tij sikur më parë.

Në kuvendin e sotëm SVP-UDC ka vendosur edhe rreth qëndrimit të saj kundrejt iniciativës që do të votohet më 11 mars “6 javë pushim për të gjithë”. Qëndrimi do të jetë negativ, është evndosur me shumicë të madhe.