Procedurat e azilit, tepër të gjata

Para së gjithash gjatë muajve të dimrit, shtohet shumë numri i personave që kërkojnë azil në Zvicër

Gjykata Federale Administrative është përgjegjëse për stërzgjatjen e procedurave të azilit. Këtë mendim e shprehin politikanët e njohur të fushës së azilit ashtu si dhe vetë përfaqësuesit e organizatës për mbështetje të të drejtave të refugjatëve, “Flüchtlingshilfe”.

Sipas asaj që kryetari i kësaj gjykate Markus Metz tha në emisionin e sf1 “10vor10”, vlerësimi i një lënde nga kjo gjykatë zgjat 9 muaj.

Para së gjithash gjatë muajve të dimrit, shtohet shumë numri i personave që kërkojnë azil në Zvicër, me gjithë faktin se shanset e tyre për një përgjigje pozitive janë kryesisht të barabarta me zero.

Sipas Markus Metz procedurat ankimore zgjasin mesatarisht 280 ditë. Por, shton ai, rastet më të thjeshta trajtohen me prioritet dhe vendimi për to merr më pak kohë.