Ambasadori Bertoncelj i dorëzon letrat kredenciale Presidenti Thaçi

“Jemi mirënjohës për përkrahjen e Sllovenisë që i ka dhënë Kosovës në të gjitha fushat, sidomos në proceset integruese të Kosovës”, ka theksuar Presidenti tek sa e ka uruar atë për detyrën e re

Presidenti i Kosovës, Hashim Thaçi ka pranuar letrat kredenciale nga ambasadori i ri i Sllovenisë, Bojan Bertoncelj. 

“Jemi mirënjohës për përkrahjen e Sllovenisë që i ka dhënë Kosovës në të gjitha fushat, sidomos në proceset integruese të Kosovës”, ka theksuar Presidenti tek sa e ka uruar atë për detyrën e re, duke i ofruar mbështetje të plotë në ushtrimin e postit të ambasadorit të Sllovenisë në Kosovë, transmeton albinfo.ch.  

Ambasadori  Bertoncelj ka thënë se shteti i tij do të vazhdojë të kultivojë marrëdhënie të mira me Kosovën, duke e mbështetur në rrugën e saj euroatlantike. E Presidenti Thaçi ka thënë se Sllovenia është model shumë i mirë i rrugës që duhet të ndjekin shtetet e tjera të rajonit për t’u integruar në BE dhe NATO.