Nënat abortojnë fëmijët me të meta

Ndodh shpesh që prindërit të mos kenë kurajën të rrisin fëmijë me të meta

Mbi 80 për qind të grave, të cilave gjatë shtatzënisë u diagnostifikohet fëmija me të meta, e bëjnë dështimin (abortin) e tyre. Kjo dukuri po vjen duke u shpeshtuar në saje të mundësive më të avancuara teknike për diagnostifikim prenatal. Këtë statistikë e ka bërë publike Instituti për gjenetikë mjekësore në Universitetin e Cyrihut.

Po kështu, një trend i këtillë po shënohet edhe në klinikat tjera gjinekologjike të Zvicrës.

“Ndodh shpesh që prindërit të mos kenë kurajën të rrisin fëmijë me të meta”, thonë në Klinikën e Universitetit të Cyrihut. Mirëpo, shoqata zvicerane e pediatërve e thotë të kundërtën. Sipas saj, ka gjithnjë më shumë prindër të cilët me vetëdije vendosin të rritin fëmijët me të meta.