Sarkozy dhe Carla Bruni, drejt ndarjes ?!

Shtypi VIP, në Francë dhe më gjerë, ka filluar të spekulojë rreth një krize mes presidentit francez dhe gruas së tij

Tabloidet që merren me sferën private të personaliteteve të show-bizit, por edhe politikës, kanë filluar të spekulojnë për një keqësim të mundshëm të raporteve mes kryetarit të Francës, Nicolas Sarkozy dhe zonjës së tij, respektivisht ish-manekenes dhe këngëtares, Carla Bruni.

Dyshimet për një keqësim të mundshëm të marrëdhënieve të çiftit presidencial burojnë nga «Purepeople», ose adresa numër një në Francë, e udhëhequr nga informatorja kryesore në këtë fushë, zonja Michèle Marchand.

Media në fjalë i bazon dyshimet e saj të një krize të çiftit presidencial në mospërfilljen e presidentit francez nga Carla Bruny gjatë një pritje shtetërore në Francë të presidentit irakian, Jalal Talabani dhe gruas se tij, si dhe me rastin e një samiti ndërkombëtar për inovimin dhe shkollimin në Katar.

Gjatë viti të kaluar, që nga fillimi i shtatzënisë, çifti numër një në Francë ishte cak i shtypit VIP. Prandaj, edhe tani shprehen dyshime të mundshme se kjo situatë e re mund të jetë pjesë e një skenari të kontrolluar të komunikimit me opinion, sidomos ca muaj para zgjedhjeve të reja presidenciale në Francë.