Kapiteni bëri gabim dhe fundosi anijen “Costa Concordia”

Në Itali kanë konfirmuar se kanë gjetur trupin e një të mbyturi në rrënojat e anijes që çon në gjashtë numrin e viktimave të kësaj tragjedie

Kapiteni është shkaktari që ka kontribuar në fundosjen e anijes “Costa Concordia”  të premten mbrëma në brigjet perëndimore të ItalisëKompania detare Costa Crociere ka pranuar fajin e kapitenit.

“Kapiteni kishte bërë një vlerësim të pasaktë, pasi ai kishte shkuar shumë afër brigjeve të detit dhe ishte larguar nga bordi i anies para se të evakuoheshin pasagjerët..

Drejtues të kompanisë detare Costa Crociere, së cilës i përkiste kryqëzori  e cilësuan aksidentin si një tragjedi shokuese dhe u shprehën ngushëllime të afërme të viktimave

“Anije të kësaj madhësie nuk mund të lundrojnë aq afër brigjeve të ishujve, sepse atje, siç dihet ka edhe shkëmbinj”, tha  Ministri italian i Mbrojtjes, Giampaolo Di Paola, ish-admiral marinës italiane për kanalin televiziv “RAI 3.

Lundrimi pranë ishullit Giglio për ta mirëpritur banorët, me sa duket ka kontribuar në fundosjen e anijes luksoze “Costa Concordia” , kanë thënë zyrtarët italian dhe dëshmitarët.

Teksa po kalonte në ishull, disa dëshmitarë kanë thënë se ekuipazhi i anijes  luksoze “Costa Concordia”  kishte përgatitur një parakalim spektakolar për banorët e atij vendi.Kapiteni i anijes luksoze, Costa Concordia është duke u mbajtur në burg, nën akuzat dhe dyshimet për vrasje të njerëzve, për braktisje të anijes përpara udhëtarëve të tjerë, si dhe për dëmtim të anijes së udhëtimit.

Numri i personave të zhdukur për gati dy ditë, pasi anija luksoze italiane filloi të fundosej në brigjet perëndimore të Italisë, tashmë ka zbritur në 15 persona, ndërkohë që shpëtimtarët po vazhdojnë ende kërkimet.

Më shumë se 4000 njerëz që po udhëtonin me anije, janë evakuuar me barkat e shpëtimit apo duke notuar, ndërsa policia thotë se 5 persona  kanë humbur jetën, ndërsa tre të tjerë janë gjetur të gjallë në brendi të anijes, përfshirë një çift nga Koreja e Jugut, që ishin në muajin e tyre të mjaltit.