Dua Lipa lë pas edhe Justin Bieber

Ajo për të dytën javë rresht po kryeson top listën e klasifikimeve britanike si artistja më e mirë solo

Këngëtarja kosovare me famë botërore Dua Lipa po thyen të gjitha rekordet me hitin e saj të ri “New Rules”.

Ajo për të dytën javë rresht po kryeson top listën e klasifikimeve britanike si artistja më e mirë solo.

Me këngën “New Rules” Dua po thyen rekorde pasi që kjo është kënga e parë nga një artiste solo, që arrin të kryesojë dy javë rresht këtë toplistë që nga viti 2015 kur Adele pati arritur të bënte një gjë të tillë, transmeton albinfo.ch.

Dua Lipa ka lënë pas shumë emra të njohur si Justin Bieber, i cili sapo ka publikuar këngën “Friends” që është renditur e dyta.

Hiti i këngëtares nga Prishtina “New Rules” deri tani ka arritur mbi 135 milionë klikime në Youtube.