Më shumë udhëtarë në aeroportet e Zvicrës

Sipas Aeroportit të Cyrihut rritja e pasagjerëve erdhi si rezultat i frangut të fortë, i cili kishte shtuar më shumë udhëtimet jashtë vendit

Në përgjithësi, vitin e kaluar më shumë se 24 milionë pasagjerë fluturuan nëpërmjet aeroportit të Cyrihut.

Kjo paraqet një rritje prej 6.4 për qind krahasuar me vitin 2010.

Siç njoftuan të mërkurën zyrtarët e Aeroportit të Cyrihut, rritja e pasagjerëve erdhi si rezultat i frangut të fortë, i cili kishte shtuar më shumë udhëtimet jashtë vendit.

Më 2010 në aeroportin e Cyrihut ishin regjistruar 22.9 milionë pasagjerë.

Në Cyrih, kompania ajrore “Swiss” mbetet numër një. Me “Swiss” kanë udhëtuar 55.9 për qind e udhëtarëve për dhe nga Cyrihu. “Air Berlin” me 6.7 për qind, “Edelweiss Air” me 3.9 për qind dhe “Lufthansa”.

Edhe aeroporti i Baselit vitin e kaluar kishte pasagjerë si kurrë më parë. 5’053’664 pasagjerë fluturuan nëpërmjet aeroportit të Baselit, që do të thotë 22 për qind më shumë se në vitin 2010.

Motor i rritjes në Basel është aviokompania e fluturimeve të lira, low cost, EasyJet. Ajo ka një pjesë tregut prej 46 për qind, e ndjekur nga “Air France” dhe “Air Berlin”.

Drejtuesit e aeroportit ndërkombëtar të Baseli, EuroAirport (EAP), pas rekordit të shënuar me pasagjerë në vitin 2011, paralajmërojnë 3 për qind rritje për vitin 2012.

Edhe aeroporti i Gjenevës nuk ishte keq me udhëtarë. Në vitin 2011 aeroporti në fjalë kishte rritje për 10.5 për qind.

Rritje prej 82 për qind ka shënuar edhe aeroporti i Bernës. Nëpërmjet këtij aeroporti fluturuan në total 184’831 udhëtarë.