Prej javës së ardhshme mund të blini insekte për ushqim

Ligji zviceran, i jashtëzakonshëm në Evropë, lejon që nga 1 maji konsumimin e insekteve.

Keystone

Insektet e para për konsum njerëzor do të jenë në dispozicion në dyqane që nga java e ardhshme, katër muaj më vonë se sa pritej. Berna sapo ka dorëzuar tri autorizimet e para të importit, njofton albinfo.ch.

Ligji zviceran, i jashtëzakonshëm në Evropë, lejon që nga 1 maji konsumimin e insekteve. Por, pavarësisht paralajmërimeve të stuhishme të disa shpërndarësve, të cilët kanë zhvilluar tashmë disa produkte, si hamburgerët, konsumatorët ende janë të hutuar.

Prodhuesit zviceranë janë të njoftuar me një direktivë federale në momentin e fundit. “Për të qenë insektet e ngrënshme, ato nuk mund të jenë fillimisht të brezit të tretë, si kemi menduar, por të brezit të katërt”, shpjegoi javën e kaluar në Morning Jürgen Vogel, president i shoqatës Grimiam në Nyon (VD). Kjo shtyn prodhimin vendor deri në shtator.

Ka mbetur zgjidhja e eksportit. Me që insektet nuk janë të autorizuara për konsum njerëzor në vende të tjera të Evropës, importi i tyre ishte subjekt i dy kushteve: insektet duhet të vijnë nga një kompani e kontrolluar nga autoritetet e ushqimit të vendit eksportues dhe të respektojnë legjislacionin zviceran për ushqim, tregon Zyra Federale e Sigurisë së Ushqimit dhe Veterinarisë (LFV).