Nëpunësja e prokurorisë për të rinj ka përvetësuar 650 mijë franga

Punonjësja e kontabilitetit, nga viti 2010 deri në vitin 2016 kur është zbuluar, ka vjedhur në mënyrë sistematike para për nevoja private

Një nëpunëse e Prokurorisë për të rinj në qytetin Biel/Bienne ka përvetësuar në vendin e saj të punës përmes dokumenteve të falsifikuara 650 mijë franga.

Punonjësja e kontabilitetit, nga viti 2010 deri në vitin 2016 kur është zbuluar, ka vjedhur në mënyrë sistematike para për nevoja private, shkruan sda.ch. Ajo është pushuar nga puna në vjeshtën e vitit të kaluar dhe tash duhet të përgjigjet para drejtësisë.

Prokuroria Kantonale për ndjekjen e delikteve ekonomike ka ngritur akuzën për përvetësim të padrejtë parash, njofton ajo sot përmes një komunikate.

Ish nëpunësja punonte si zyrtare kontabiliteti në qendrën e shërbimit të Prokurorisë për të rinj Berner Jura-Seeland.

Me rastin e zbulimit të saj, vjeshtën e kaluar, ishte menduar se shuma e vjedhur ishte në mes 400 mijë dhe 500 mijë franga.