Festat e Gjenevës përballen me probleme financiare

Organizatorët e festave të Gjenevës hartuan të dielën një bilanc pozitiv për edicionin e tyre të 2017-ës.

Sa u përket rezultateve financiare për këto festime që zgjasin dhjetë ditë, organizatorët tregojnë se ka humbje.

Pra, sipas bilancit, një shumë prej 500.000 frangash mungon në arkë për të balancuar llogaritë, theksoi Philippe Vignon, drejtor i përgjithshëm i Fondacionit të Turizmit të Gjenevës. Sfida për organizatorët do të jetë për të gjetur “një zgjidhje të qëndrueshme”.

Këtyre problemeve financiare i është shtuar kërcënimi që vjen nga një iniciativë e mundshme nga qyteti i Gjenevës, i cili dëshiron t’i reduktojë këto festa në 7 ditë. Nëse kjo iniciativë kalon, nuk do të mund të vazhdojmë, paralajmëroi M. Vignon. Ndërkaq, një kundërprojekt ndaj iniciativës është në përgatitje, por konturet e tij janë ende të paqarta.