Vogëlushja e plagosur nga babai, në luftë me vdekjen

Viktima e dytë e krimit të bërë të mërkurën në Bulle të Freiburgut, vogëlushja 6 vjeçe, vazhdon të jetë në gjendje kritike. Siç është shkruar tashmë, babai i saj, një portugez 34 vjeçar kishte shtënë me armë në të dhe në foshnjën 2 muajshe, me ç`rast foshnja kishte vdekur nga plagët.

Nëna e 6 vjeçes po qëndron në spital bashkë me të bijën. Me rastin e sulmit ajo vetë ishte tronditur rëndë por nuk kishte pësuar plagë.

Pasi kishte shtënë me armë në të dy fëmijët e përbashkët, portugezi kishte vrarë veten.