Zvicra sërish mund të eksportojë municion në Katar

Zvicra mundet sërish të eksportojë material luftarak në Katar. Disa muaj pasi ishte ndaluar kjo lloj tregtie, Sekretariati Shtetëror për Ekonomi i Zvicrës, Seco, ka hequr ndalesën. Arsye për ndalesë patën qenë njoftimet sipas të cilave municioni i koncernit zviceran për prodhimin e armatimit, Ruag, u ishte shitur kryengritësve në Libi.

Municioni kishte rënë në duart e kryengritësve përkundër marrëveshjes që Emirati i Katarit e kishte nënshkruar me Zvicrën, sipas të cilës nuk kishte të drejtë t`ia shiste materialin luftarak palëve të treta.

Katari ndërkohë pati kërkuar falje.

Eksportimi i municionit në Libi kishte ndodhur si pasojë e “një gabimi në logjistikën e ushtrisë”, kishte qenë shpjegimi i Seco-s për radion DRS.