Policia i gjen dy djelmoshat e zhdukur

Dy fëmijët që ishin zhdukur bashkë me qenin e tyre në pyll janë gjetur falë ndërhyrjes së emergjencës të mërkurën në mëngjes.

Të mërkurën, rreth orës 22:00, policia kantonale informohet për zhdukjen e dy djemve të moshës 5 dhe 7 vjeç, të shoqëruar nga qeni i tyre në pyllin e Chaussin në Chatel-St-Denis (FR). Për të gjetur fëmijët, zinxhiri i ndihmës së Veveyse është mobilizuar.

Djaloshi i parë, 5-vjeçar, është gjetur nga një automobiliste në Chatel-St-Denis, në rrugën për Montreux, në afërsi të Urës së Veveyse de Fégire. Hulumtimi i policisë kantonale ka vazhduar në shkëmbinjtë e pjerrët pyjorë në rrjedhën e sipërme të Veveyse de Fégire, gjë që ka mundësuar shpëtimin edhe të djaloshit 7- vjeçar, i cili ishte mbërthyer në një shpat, nga i cili nuk arrinte të lëvizte. Sipas deklaratës policore, të dy djemtë janë “shëndosh e mirë”.