Filloi festivali i 70-të i filmit në Locarno

Në konkurrencën kryesore garuese për trofeun “Leopardi i artë” marrin pjesë 18 filma. Festivali zgjat deri më 12 gusht dhe në të pritet të shfaqen më shumë se 300 filma të shkurtë, artistikë dhe dokumentarë

Keystone

Në sheshin Piazza Grande të Locarnos është hapur mbrëmjen e të mërkurës edicioni i 70-të i festivalit të njohur të filmit. Hapja është shënuar me shfaqjen e filmit francez “Demain et tous les autres jours”, shkruan srf.ch

Festivali zgjat deri më 12 gusht dhe në të pritet të shfaqen më shumë se 300 filma të shkurtë, artistikë dhe dokumentarë nga vende të ndryshme te botës.

Në konkurrencën kryesore garuese për trofeun “Leopardi i artë” marrin pjesë 18 filma, transmeton albinfo.ch.

Jashtë konkurrencës, në sheshin Piazza Grande për çdo mbrëmje do të shfaqen filma për rreth 8000 shikues, sa ka kapacitet kjo “sallë” nën qiell të hapur.

Për herë të parë në edicionin e sivjetmë të festivalit në Locarno do të ketë edhe filma për fëmijë.

Krahas festivalit të Venedikut dhe atij të Kanës, festivali i Locarnos hyn ndër festivaet më të vjetra të filmit në botë.

Aktori i njohur Adrien Brody do të marrë çmimin “Leopard Club Award”.