Në Zvicër punojnë 4 milionë e 47 mijë persona

Kjo shifër, në krahasim me tremujorin e tretë të vitit 2010 është 0.7% më e madhe

Numri i të punësuarve k shënuar rritje gjatë tremujorit të parafundit të këtij viti krahasuar me periudhën e njëjtë të vitit të kaluar, bën të ditur Zyra Federale për Statistikë në barometrin e saj për punësimin. Kjo rritje vjen përkundër faktit se është shënuar një rënie e lehtë e shanseve për punësim (-0.9%) dhe e numrit të vendeve të lira të punës (-0.3%).

Marrë në përgjithësi, në tremujorin e tretë të këtij viti, në Zvicër ishin të punësuar 4.047 milionë persona. Kjo shifër, në krahasim me tremujorin e tretë të vitit 2010 është 0.7% më e madhe.

Më shumë rritje ka shënuar lëmi i tregtisë dhe ai i industrisë me 1% pastaj ai i shërbimeve, me 0.7%.

3 milionë e 433 persona punojnë me orar të plotë, që është për 40 mijë më shumë se një vit më parë.