Përurohet ndërtesa më e lartë në Zvicër

Prime Tower: 126 metra lartësi, 36 kate, 40 mijë metra katrorë hapësirë, 2000 të punësuar

Është bërë sot në Cyrih përurimi zyrtar i ndërtesës më të lartë në Zvicër. Me 126 metra lartësi, me hapësirë prej 40 mijë metrash katrorë dhe me 36 kate ndërtesa e njohur me emrin Prime Tower, e populluar kryesisht nga kompani të ndryshme afariste ka vend për rreth 2000 të punësuar.

Po kështu në këtë “kullë” ka vend edhe për apartamente ekskluzive.

Në përurim ka marrë pjesë edhe kryetarja e Cyrihut, Corine Mauch. Ajo dhe folësit tjerë e kanë quajtur ndërtesën “shenjë mbrojtëse” e re e Cyrihut.

Duke filluar nga java e ardhshme, do të hapë dyert për publikun edhe restoranti që gjendet në katin e 35-të dhe që, rrjedhimisht është restoranti në katin më të lartë në Zvicër.

Ndërtimi i godinës më të lartë të Zvicrës ka kushtuar 380 milionë franga