Komisioni kundër torturave denoncon dëbimin e azilkërkuesve

Ankesat lidhen me disa raste tragjike që kanë ndodhur vitet e kaluara gjatë zbatimit të vendimit për dëbim të azilkërkuesve

Komisioni Federal kundër torturave, ka hetuar rreth mënyrës se si bëhet dëbimi i azilkërkuesve nga Zvicra. Ky komision ka gjetur të meta gjatë kësaj praktike prandaj ka propozuar disa masa.

Sipas tyre, personat që do të riatdhesohen duhet të informohen më mirë rreth asaj që i pret, pastaj duhet pasur kujdes rreth lidhjes me pranga të azilkërkuesit që do të dëbohet. Po kështu duhet angazhuar një mjek që do të parandalonte rreziqet eventuale që lidhen me dëbimin.

Nga ana tjetër, Zyra Federale për Migracion dhe kantonet mendojnë se personat që janë para dëbimit janë mjaft mirë të informuar. Po ashtu sipas tyre, prangosja nuk është dukuri e shpeshtë ndërsa mjeku edhe sot mundet të vendosë ndalimin e fluturimit për riatdhesim.

Ndërkaq ankesat lidhen kryesisht me disa raste tragjike që kanë ndodhur vitet e kaluara gjatë zbatimit të vendimit për dëbim të azilkërkuesve.