SVP-UDC kërcënon me tërheqje nga qeveria

Partia Popullore e Zvicrës (SVP-UDC) ka bërë të ditur se mund të tërhiqet nga pjesëmarrja në Qeverinë Federale në rast se nuk i mundësohet të marrë dy vende ministrash në këtë qeveri. Këtë kërcënim e ka shprehur shefi i grupit parlamentar të kësaj partie në Parlamentin Nacional, Caspar Baader.

“Në rast se parlamenti e thyen konkordancën, atëherë të gjitha mundësitë mbeten të hapura, edhe braktisja e qeverisë”, ka thënë Baader në magazinën televizive 10vor10.

Reagimi i tij ka ardhur për shkak të mundësisë që, në zgjedhjen e Qeverisë Federale, që e bën Parlamenti Nacional më 14 dhjetor, “gjithçka të mbetet me të vjetrën”, në kuptimin që Widmer-Schlumpf nga BDP, të zgjidhet sërish. mKjo do të thotë që SVP-UDC të mbetet sërish me vetëm një post në qeveri, gjë që kjo parti, edhe më tutje më e madhja në Zvicër, nuk mund ta pranojë më.