Për shkak të një gabimi teknik, zëvendësohen100 mijë kartela të postës

Për shkak të një gabimi teknik që ka ndodhur gjatë prodhimit të këtyre kartave, ato nuk mund të përdoren jashtë vendit

“PostFinance” është e detyruar të shkëmbejë mijëra karta të debitit, për shkak se ato nuk punojnë jashtë vendit.
Pas dështimeve të ndryshme kompjuterike që kanë prekur pagesat online, ‘gjigandi i verdhë’ është tani duke u përballuar me sfida të reja me kartat e saj të debitit.
“Ne duhet të zëvendësojmë rreth 100.000 karta ‘PostFinance’ të lëshuara nga janari seri në prill 2017”, ka thënë të enjten për gazetën “20 Minuten” zëdhënësi Johannes Mori. Për shkak të një gabimi teknik që ka ndodhur gjatë prodhimit të këtyre kartave, ato nuk mund të përdoren jashtë vendit.
Kompania thotë se pajisjet punojnë në mënyrë të përkryer në Zvicër, prandaj edhe problemi që ka qenë prej kohësh i zbuluar, nuk është trajtuar. Kartat e dëmtuara të klientëve janë shkëmbyer gradualisht që nga mesi i majit, informon zëdhënësi. Ai shton gjithashtu se “të gjithë konsumatorët duhet të marrin kartat e tyre të reja para pushimeve verore. Zëvendësimi i pajisjeve është pa pagesë”.
Dy firmat zvicerane janë përgjegjëse për përshtatjen e kartave “PostFinance”. Një problem teknik ka ndodhur gjatë përditësimit të një sistemi, i cili është përgjegjës për këtë dështim.