Vaudi sërish zgjedh një qeveri të majtë dhe me shumicë femërore

Ekzekutivi i Kantonit Vaud tash përbëhet nga 4 të majtë dhe tre të djathtë, ndërkohë që parlamenti aktual në këtë kanton ka një shumicë të djathtë

La candidate au Conseil d'Etat vaudois du Parti Socialiste Cesla Amarelle, droite, et la candidate du parti Les Verts Beatrice Metraux, gauche, posent ensemble apres une conference de presse commune entre Les Verts vaudois et le Parti socialiste vaudois , la gauche, en vue du 2e tour de l'election au Conseil d'Etat vaudois ce mardi 9 mai 2017 a Lausanne. (KEYSTONE/Laurent Gillieron)

Raundi i dytë i zgjedhjeve që u mbajt sot për Qeverinë e Kantonit të Vaudit ka rikonfirmuar epërsinë e të majtës në këtë qeveri, shkruan sda.ch Pra, ekzekutivi i këtij kantoni vazhdon të mbetet me shumicë të majtë, gjegjësisht socialiste dhe të gjelbër.

Cesla Amarelle nga PS ia ka dalë të zgjidhet për herë të parë në qeveri, ndërkohë që Beatrice Metraux nga të Gjelbrit është rizgjedhur, pasi që pjesë e qeverisë prej 7 anëtarësh ka qenë edhe në mandatin e kaluar.

Nga ana tjetër, kandidati i UDC/SVP-së, Jacques Nicolet ka dalë vetëm i treti në garë dhe me këtë nuk ka mundur të bëjë vend në qeveri, transmeton albinfo.ch. Po kështu liberalja e gjelbër Isabelle Chevalley duke u radhitur e katërta, ka mbetur jashtë ekzekutivit të kantonit.

Ndërkaq, në raundin e parë të zgjedhjeve, vendin në qeveri e kishin siguruar Pascal Broulis, Jacqueline de Quatrro dhe Philippe Leuba, të tre të djathtë (nga FDP/PLR), si dhe dy socialistët Pierre-Ives Maillard dhe Nuria Gorrite.

Kështu, ekzekutivi i Kantonit Vaud tash përbëhet nga 4 të majtë dhe tre të djathtë, ndërkohë që parlamenti aktual në këtë kanton ka një shumicë të djathtë.