Grumbullohen 3.2 milionë franga për të uriturit në Afrikë

Presidentja federale Doris Leuthard e ka bërë në mëngjesin e sotëm lansimin e ditës nacionale të grumbullimit të ndihmave. Ajo ka apeluar për solidarizim me njerëzit e kanosur nga uria në Somali, Nigeri dhe Sudan jugor

Keystone

Sot në Zvicër ka qenë Dita Kombëtare e grumbullimit të ndihmave për viktimat e urisë në Afrikë. Deri në orën 16 është arritur të grumbullohen 2.6 milionë franga për këtë destinim, bën të ditur srf.ch.

Një zëdhënëse e organizatës humanitare Glückskette e cila ën grumbullimin e ndihmave ka thënë veç tjerash se katastrofa e urisë në Afrikë po zhvillohet larg syve të opinionit. Për këtë arsye edhe ky grumbullim ndihmash nuk është i krahasueshëm me aksionet që zhvillohen në të mirë të viktimave nga katastrofat natyrore.

Presidentja federale Doris Leuthard e ka bërë në mëngjesin e sotëm  lansimin e ditës nacionale të grumbullimit të ndihmave. Ajo ka apeluar për solidarizim me njerëzit e kanosur nga uria në Somali, Nigeri dhe Sudan jugor. Nëse tash arrihet të ndihmohet, ka shanse që ndoshta të evitohet më e keqja, vdekja masive nga uria, ka thënë Leuthard.