Komuna zvicerane jep me “gjysmë çmimi” të drejtën e qytetarisë

Komuna Aeschi në Kantonin e Solothurnit, po përballet me plakjen e banorëve të saj dhe rrjedhimisht edhe me zvogëlimin drastik të numrit të qytetarëve me të drejtë vote

Një komunë zvicerane sfidon me një akt të pazakonshëm: ajo jep  “me gjysmë çmimi” të drejtën e qytetarisë për shtetasit nga komunat tjera. Komuna Aeschi në Kantonin e Solothurnit, po përballet me plakjen e banorëve të saj dhe rrjedhimisht edhe me zvogëlimin drastik të numrit të qytetarëve me të drejtë vote, raporton srf. Kështu, ajo ka vendosur të marrë një masë ekstreme: të mundësojë në mënyrë të lehtësuar “pasaportizimin” e qytetarëve nga komunat tjera, transmeton albinfo.ch.

Komuna ka 1200 banorë por vetëm 160 prej tyre kanë shtetësi zvicerane dhe të drejtë vote. Për këtë arsye kryetari i komunës Thomas Jäggi ka thënë se “në afat të gjatë duhet investuar, veç tjerash edhe në një aksion për natyralizim, në mënyrë që komuna të mund të mbijetojë si e tillë edhe për disa vite, përcjell albinfo.ch. Kështu, ata që duan të bëhen qytetarë të kësaj komune, por që janë shtetas të Zvicrës dhe qytetarë të kantonit, mund ta blejnë të drejtën për të qenë qytetar i komunës me një çmim prej 300 frangash.

Shtetasit nga kantonet tjera mund ta bëjnë këtë por me çmimin ” e rregullt”, që është 700 deri 800 franga.