Kapet banda me kosovarë, serbë dhe boshnjakë, ka bërë 97 vjedhje

Ata vijnë nga Bosnja, Kosova dhe Serbia. Tre prej tyre ishin me vendqëndrim në Zvicër ndërsa të tjerët vinin si “turistë kriminelë” nga Franca për të marrë pjesë në vjedhje

Policia e Lucernit, pas hetimeve intensive ia ka dalë të kapë një bandë prej 7 vjedhësish të cilët nga tetori i vitit 2013 deri në qershor të vitit 2015 ka bërë 97 vjedhje. E përkthyer në para, shuma e përgjithshme e këtyre vjedhjeve shkon deri në  460 mijë franga ndërsa dëmi i shkaktuar rreth 700 mijë franga, shkruan polizeinews.ch.

Banda ka vepruar në tetë kantone: Aargau, Bernë, Baseland, Jura, Lucern, St. Gallen. Solothurn dhe Cyrih.

Shtatë pjesëtarët e saj janë arrestuar në kohë të ndryshme, nga mesi deri në fund të vitit 2015, transmeton albinfo.ch portalin policor. Ata janë të moshave në mes 29 dhe 53 dhe vijnë nga Bosnja, Kosova dhe Serbia. Tre prej tyre ishin me vendqëndrim në Zvicër ndërsa të tjerët vinin si “turistë kriminelë” nga Franca për të marrë pjesë në vjedhje.

Banda ka pasur organizim profesional dhe aksionet i ka kryer me përbërje të ndryshuar. Ata i kanë planifikuar aksionet me kujdes dhe punonin me vegla përkatëse si dhe me aparate komunikimi dhe duke mbajtur roje, përcjell albinfo.ch.

Të arrestuarit ishin specializuar në veçanti për vjedhje nëpër shtëpi familjare ose në firma biznesi, me ç`rast vidhnin para ose gjësende me vlerë.