Më shumë se 1 mijë mjekë ikën nga Ballkani

Në Maqedoni, Shqipëri, Bosnjë Hercegovinë, Serbi, Kroaci dhe Mal të Zi çdo vit më shumë se 1 mijë mjekë migrojnë drejt vendeve të Evropës Perëndimore

Më shumë se 1 mijë mjek kanë ikur nga vendet e Ballkanit Perëndimor të kërkuar një jetë më të mirë dhe paga më të dinjitetshme në vendet e Bashkimit Evropian. Sipas shifrave, nga Maqedonia kanë ikur 500 mjekë, nga Bosnjë Hercegovina 350, nga Shqipëria 160 dhe nga Mali i Zi 29 mjekë. Shumica nga ta kanë ikur në vendet e Evropës Perëndimore.

Nga ana tjetër në 3 vitet e fundit gjithashtu edhe nga Kroacia, 525 mjekë kanë migruar në vendet më të zhvilluara të BE-së, ndërsa në Serbi vitin e kaluar 599 mjekë kanë aplikuar në autoritetet përkatëse për certifikatën që iu duhet për të punuar si mjekë jashtë vendit

Rritja e migrimit të mjekëve nga Ballkani Perëndimor në shtetet e Evropës Perëndimore në vitet e fundit, arriti në nivel shqetësues, shkruan Anadolu Agency, transmeton gazeta Koha.

Shkaqet kryesore të migrimit të “manteleve të bardhë” në vendet e Evropës Perëndimore të cilat kanë kushte më të mira, janë mangësitë në sistemin shëndetësor dhe pagat e ulëta të mjekëve.