Pritjet e gjata, rrahje ndërmjet mërgimtarëve

Në një video të publikuar shihet një përleshje fizike ndërmjet shumë personave, pas përplasjes për kalimin e radhës së pritjes

Festat e fundvitit ka bërë që një numër i madh i mërgimtarëve të marrin rrugën për Kosovë. Si shumë herë tjera, edhe kësaj radhe, ata kanë pritur me orë të tëra në kufi për të hyrë në Kosovë, raporton albinfo.ch.

Pritjet e gjata në kufi këtyre ditëve i kanë tensionuar mërgimtarët. Emisioni “Interaktiv” në “KTV” ka siguruar një video që tregon përleshje fizike ndërmjet shumë personave, pas përplasjes për kalimin e radhës së pritjes.

Ngjarja ka ndodhur në pikën kufitare te Dheu i Bardhë, në kufirin në mes Kosovës dhe Serbisë. Siç shihet edhe në video, kolonat janë të gjatë për të hyrë në Kosovë, kurse nuk ka policë.