Rrëmbehet në Mali një punëtore humanitare franceze

Më vonë u konfirmua se ajo nuk ishte zvicerane me shtetësi, siç ishte publikuar fillimisht

Një grua me shtetësi franceze është rrëmbyer në shtetin Mali, në perëndim të Afrikës. Rrëmbimin thuhet ta kenë bërë tre meshkuj, raporton një zëdhënës i Ministrisë së Sigurisë të Malit, duke iu referuar një lajmi të agjencisë Reuters

Pasi që dyshohej se gruaja në fjalë kishte edhe shtetësi zvicerane, nga Ministria e Punëve të Jashtme e Zvicrës ishte deklaruar se janë në hulumtim e sipër për të vërtetuar identitetin e gruas së përmendur.

Më vonë u konfirmua se ajo nuk ishte zvicerane me shtetësi.

Sipas një radioje lokale, gruaja në fjalë ishte në mision të një organizate humanitare e cila punon për fëmijët e paushqyer në atë regjion të varfër.

Në janar të këtij viti ishte rrëmbyer një grua nga Bazeli në Timbuktu. Ajo pastaj ishte liruar me kushtin që të mos kthehej kurrë më në atë vend.