Më shumë vende të lira pune në Zvicër

Sipas indeksit zviceran të punës Michael Page, i cili mat të gjitha vendet e lira të punës, vendet e lira të punës raportohet të jenë rritur për rreth 37 për qind nga janari deri në nëntor.

Sipas një njoftimi për media, kjo është rritja më e lartë që nga viti 2012. Në Zvicrën Lindore numri u rrit me 62.3 për qind që nga fillimi i vitit. Në Zvicrën Qendrore numri i vendeve të lira u rrit me 48.8 për qind. Dhe në Zvicrën Veriperëndimore numri i aplikantëve për punë u rrit me 41.6 për qind këtë vit, përcjell albinfo.ch.

Për muajt tetor dhe nëntor numri i shpalljeve për punë u rrit me 2.5 për qind në gjithë Zvicrën. Në Zvicrën Perëndimore kërkesa për punë ka rënë me 3.4 për qind në mes të tetorit dhe nëntorit. Në pjesën gjermane të Zvicrës indeksi u rrit me 2.5 për qind gjatë të njëjtës periudhë.

Sipas udhëheqësve të Michael-Page, Nicolai Mikkelsen, proceset e rekrutimit janë duke u shkurtuar në shumë vende për shkak të kërkesës së lartë për punëtorë të kualifikuar, dhe kandidatët e mirë janë të mbingarkuar me shumë oferta.
Në dy muajt e fundit punonjësit janë kërkuar në veçanti për menaxhimin në ndërtimtari (13,4 për qind), specialistë të IT(9,7 për qind), specialistë logjistike (7,3 për qind), inxhinierë elektrikë (4,4 për qind) dhe kontrollorë financiarë (3,2 për qind ).