Nuk shpallen të gjitha vendet e lira të punës në internet

Më shumë se 60 për qind e të gjitha vendeve të lira të punës në Zvicër nuk janë publikuar në portalet e punës në internet.

Për të realizuar hulumtimin kompania “Metapage”, operator i platformës Markenjobs.ch ka analizuar 100 kompani  të mesme dhe të mëdha të punëdhënësve zviceranë, përcjell albinfo.ch.
Në mesin e disa kompanive të mëdha janë edhe “Denner”, “Ikea” ose “Novartis”, për shembull. 10 për qind e vendeve të lira të tyre nuk i publikojnë në portalet e punës.
“Novartis” nuk ka nevojë për një portal të jashtëm, sepse për të gjetur kandidatë të mjaftueshëm i mjafton faqja e saj e internetit.

Edhe në “Denner” gjithashtu thonë për 20min se për t’i plotësuar vendet e lira të punës në fushën e logjistikës dhe të shitjes, aplikantët mund të përzgjidhen nëpërmjet faqes së tyre të internetit.
Është gjithashtu e qartë se në këtë mënyrë kursejnë kompanitë zvicerane duke shpallur vendet e lira të tyre në portalet e tyre në internet.  Ndërmjet 590 deri 650 franga kushton një shpallje në muaj në portalet e mëdha të punës.