Protestë-homazh kushtuar Astrit Deharit, në Gjenevë

Të shtunën (nesër) me 12 nëntor 2016, me fillim prej orës 16:00 deri më 17:30, një grup të rinjësh shqiptarë që jetojnë në Zvicër kanë organizuar një protestë-homazh në Gjenevë.

Adresa e manifestimit: Place de Nations, 1202 Genève (përpara ndërtesës së OKB-së

Konteksti: Me 5 nëntor 2016 është lajmëruar vdekja në burg e aktivistit politik Astrit Dehari (26 vjeç) anëtar i Lëvizjes Vetëvendosje!), i rritur në Zvicër , i paraburgosur në bazë të provave të rrejshme të fabrikuara nga pushteti kriminal.

Vdekja e Astritit ka ndodhur në rrethana të dyshimta, në një vend të zhytur në korrupsion, ku gjyqësori dhe policia janë në shërbim të plotë të pushtetit, aty ku drejtësia është e kapur nga politika dhe që burgos aktivistë politikë të opozitës. Një vdekje e tillë në burg nuk mund të jetë tjetër veç se poltike.

Qëllimi i protestës: Të mblidhemi për t’i bërë homazh Astritit, të kërkojmë drejtësi dhe të lirimin e të gjithë të burgosurve politik në Kosovë; Të denoncojmë Qeverinë autoritare që prej shumë vitesh ushtron diktaturë në vend.

Afishet që do të përdoren: • Drejtësi për Astritin; • Lironi të burgosurit politikë; • Ndal diktaturës Thaçi&Mustafa

Në protestë ftohen të gjitha ato dhe të gjithë ata që kërkojnë liri dhe demokraci pa diskriminim në baza nacionale ose politike. Protesta është e hapur me qëllim që të dëgjohet zëri ynë për drejtësi në Kosovë. Ju mirëpresim që të na bashkoheni!”, thuhet në një ftesë të grupit organizues