Interesim i madh nga Zvicra për t’u regjistruar për votimet e dhjetorit

Berna, Venediku dhe Detroit janë qytetet, ku tani për tani, sipas raportit të Komisionit Shtetëror të zgjedhjeve do të votojnë më së shumti nga diaspora. Më shumë se 1000 aplikacione në faqen e internetit të KSHZ-së kanë ardhur nga Zvicra, Italia, Amerika, dhe për këtë arsye më shumë interesim për të votuar ka në Evropë, e më pak në Australi, përcjellin mediat e Shkupit, transmeton albinfo.ch.

Komisionit i janë dorëzuar online më shumë se 10.000 aplikacione për votim jashtë vendit, nga të cilat mbi 8000 janë pranuar. Ka edhe të tilla që janë refuzuar për shkak se qytetarët në vend të dokumenteve të banimit të përkohshëm ose të punës të lëshuar nga një shtet i huaj, kanë dërguar një dokument nga Maqedonia.

Nëse marrim parasysh zgjedhjet e vitit 2014, pjesëmarrja ishte më e ulët në njësinë 6 zgjedhore, dhe kjo do të thotë, siç është rënë dakord në Przhino, për një mandat parlamentar nga diaspora duhen rreth 6500 vota.