Dy policë akuzohen për vjedhje armësh

Nga dy të akuzuarit janë vjedhur veç tjerash dy armë shërbimi, vërteton prokuroria. Malli i vjedhur është shitur brenda vendit. Kështu, dy policët mund të dënohen për vjedhje, përvetësim dhe shitje të mallit të vjedhur

Prokuroria Publike e St. Gallenit po zhvillon hetime kundër dy zyrtarëve policorë të Policisë së Kantonit. Ata dyshohen se kanë marrë nga depoja armë të shërbimit, objekte tjera dhe pjesë të uniformës të cilat pastaj i kanë shitur. Dy policët në fjalë janë pushuar nga puna, njofton srf.ch.

Në verën e vitit 2014, Policia Kantonale e St. Gallenit kishte ushtruar kallëzim penal në prokurori kundër policëve të përmendur, transmeton albinfo.ch. Prokuroria e ka konfirmuar njoftimin e bërë të ditur më herët nga 20 Minuten.

Nga dy të akuzuarit janë vjedhur veç tjerash dy armë shërbimi, vërteton prokuroria. Malli i vjedhur është shitur brenda vendit. Kështu, dy policët mund të dënohen për vjedhje, përvetësim dhe shitje të mallit të vjedhur.

Policët e përmendur kantonalë janë pushuar nga puna në verë të vitit 2016, përcjell albinfo.ch. Deri në vendimin gjyqësor, ndaj tyre vlen prezumimi i pafajësisë.