Përjashtohen nga tatimi shoferët e makinave elektrike

Qeveria gjermane ka vazhduar privilegjet për shoferët e makinave elektrike. Çdo pronar i ardhshëm i një makine me energji elektrike, përveç 4.000 euro, nga shteti përjashtohet nga taksat në regjistrimin e parë të automjetit. Ky përjashtim është i vlefshme për 10 vjetët e ardhshme, në vend të pesë vjetëve sa ishte më parë.

Autoritetet gjermane vendosen në janar të këtij viti që pronarët e makinave elektrike të lirohen nga tatimi mbi regjistrimin e parë të automjetit dhe kishte për qëllim për të aplikuar në pesë vjetët e ardhshme. Tani kjo periudhë është zgjatur për dhjetë vjet, përcjell albinfo.ch.

Qeveria gjermane synon që flota e automjeteve elektrike dhe hibride të arrijë në një milion automjete në vitin 2020. Qeveria subvencionon blerjen e makinave hibride me energji elektrike deri 3,000 euro, ndërsa makinat elektrike me 4.000 euro. Gjysma e buxhetit për këtë qëllim vjen nga paratë e taksave, gjysma e dytë nga prodhuesit apo importuesit e makinave.

Pak ditë më parë Këshilli Federal doli me një vendim që automjetet me benzinë apo dizel të tërhiqen nga shitja në vitin 2030.

Në tre tremujorët e parë të këtij viti në tregun gjerman u shitën 5967 makina elektrike dhe 7737 makina hibride. Vendi ka vendosur 1.190 pompa normale dhe 13.027 të shpejta të mbushjes me energji elektrike.