Më shumë firma të reja në Zvicër

Në vitin 2014 janë krijuar 42.478 kompani të reja në Zvicër, 5.161 më shumë se në vitin 2013 (+ 14%).
Edhe punësimi ndërkohë ka shënuar një rritje prej 11%. Më 2014 kompanitë start-up kanë krijuar një total prej 56.996 vende të reja pune, në krahasim me vitin 2013, kur ishin krijuar 51.317. Kjo është bërë e qartë nga të dhënat e publikuara nga Zyra Federale e Statistikave (FSO).

Shumica e firmave janë krijuar në “sektorët profesionalë, shërbimet shkencore dhe teknike, tregti, shërbime shëndetësore dhe sociale”.

Në Cyrih, në vitin 2014 kanë filluar 8.212 apo 19% firma të reja, e ndjekur nga Berna (4.032 ose 9.5%), Vaud (3.546, 8.3%) dhe Ticino ( 3.164 ose 7.4%). Katër kantonet zënë vendin e parë në krijimin e firmave të reja.