Zvicra instalon parkun më të lartë të energjisë me erë në Evropë

Tri turbinat e reja Enercon E92 i sollën në Zvicër nga Gjermania, janë 85 metra të larta, me një diametër të rotorit 92 metra

Parku më i lartë i energjisë me erë në Evropë është hapur në Nufenen të Graubünden-it, në një lartësi gati 2.500 metra mbi nivelin e detit.

“SwissWinds”, një kompani e specializuar në zhvillimin e parqeve të erës në rajonet malore, ka ngritur tri turbina me erë, ndërsa më vonë ka instaluar edhe një turbinë kryesore, përcjell albinfo.ch.

Tri turbinat e reja Enercon E92 i sollën në Zvicër nga Gjermania, janë 85 metra të larta, me një diametër të rotorit 92 metra.

Mullinjtë me erë pritet të prodhojnë deri në 10 gigavat (GW) në vit, të cilat duhet të prodhojnë energji të mjaftueshme për të furnizuar rreth 2850 familje.

“SwissWinds” thonë se turbinat prodhojnë 60 për qind të energjisë gjatë dimrit, në të njëjtën kohë të vitit, kur konsumi i energjisë është më i lartë.