40.000 familje pensionistësh nuk mund të paguajnë qiranë e banesës

Ndihmat plotësuese të destinuara për të paguar qiranë e banesës nuk janë rritur që nga viti 2001. Ato, edhe më tej sikur para 15 e më shumë vitesh janë 1100 franga për pensionistin/en që jeton vetëm ose 1250 franga për çiftet

Më shumë se 40 mijë ekonomi familjare në Zvicër nuk kanë para të mjaftueshme për të paguar qiratë e banesave të tyre. Shkaktar i kësaj mungese është kufizimi i ndihmave kompensuese që marrin pensionistët, shkruan organizata që merret me përkujdesjen e të moshuarve “Pro Senectute” në ditën e pleqërisë, që i bie sot, më 1 tetor, shkruan srf.ch

Ndihmat plotësuese të destinuara për të paguar qiranë e banesës nuk janë rritur që nga viti 2001. Ato, edhe më tej sikur para 15 e më shumë vitesh janë 1100 franga për pensionistin/en që jeton vetëm ose 1250 franga për çiftet, transmeton albinfo.ch. Gjatë po kësaj kohe çmimet e qirasë së banesave në Zvicër janë ngritur për 20 për qind.

Pro Senectute tërheq vërejtjen se çmimet e qirave të banimit në të gjitha kantonet pos në atë të Juras dhe të Neuchatelit janë dukshëm më të larta se sa ndihmat plotësuese. Ndërsa gjendja është veçanërisht akute në kantonet: Zug, Schwyz, Zürich, Nidwalden dhe Gjenevë.