Rrëzohet helikopteri ushtarak, humbin jetën të dy pilotët!

Bëhet e ditur nga Departamenti i Mbrojtjes (VBS) se në këtë aksident kanë humbur jetën të dy pilotët ndërsa ndihmësi i tyre ka pësuar lëndime

Ende pa kaluar as një muaj i plotë nga aksidenti tragjik, me ç`rast pati humbur jetën një pilot i i ri ushtarak, sot sërish një helikopter ushtarak është rrëzuar në afërsi të “Qafës së Gothardit”. Ndërkohë bëhet e ditur nga Departamenti i Mbrojtjes (VBS) se në këtë aksident kanë humbur jetën dy pilotët ndërsa ndihmësi i tyre ka pësuar lëndime.

Sipas VBS, është mobilizuar  shërbimi i shpëtimit përmes ajrit Rega dhe po merret me aksidentin dhe viktimat.

Drejtori për siguri i kantonit të Ticinos, Norman Gobbi ka shkruan në twitter se bëhet fjalë për një helikopter të tipit “Super Puma”.

VBS nga ora 15 po paraqitet drejtpërdrejt me një konferencë për media ku po jep  informacione më të hollësishme rreth aksidentit.

Përfaqësuesit e VBS-së në konferencën për shtyp bënë po ashtu të ditur se dy oficerë francezë dhe një pjesëmarrës zviceran i inspeksionit të OSBE-së të cilët ishin transportuar me këtë helikopter kanë shpëtuar , pasi që ata kanë zbritur nga helikopteri para se ai të nisej sërish për rrugë.