Roaming hiqet në BE, por jo edhe në Zvicër

Tarifat „Roaming“ në BE së shpejti do t’i takojnë historisë. Por jo edhe në Zvicër. Tarifat për thirrjet jashtë shtetit kanë rënë në mënyrë të konsiderueshme viteve të fundit, por ende janë shumë të larta.

“Në mënyrë të veçantë, për të kërkuar në internet konsumatorët zviceranë paguajnë në mënyrë të konsiderueshme më shumë se ata të BE-së”, beson eksperti Telecom Frick, përcjell albinfo.ch.

Frick nga Comparis thotë për SRF se është i bindur se operatorët e telekomit mund të zvogëlojnë tarifat roaming në zero.

“Kjo në të vërtetë nuk do t’i dëmtojë ata. Në të kundërtën, do të ishte një reklamë e mençur e operatorëve zviceranë të telekomit në qoftë se ata tani do të ndjekin rrugën e BE-së”, tha Jean-Claude Frick nga Comparis.

“Swisscom” në mënyrë indirekte ka konfirmuar. “Roaming në shitjet totale është relativisht e ulët, sidomos nga shkurtimet masive të çmimeve gjatë viteve të fundit”.

Për heqjen e tarifave roaming megjithatë “Swisscom” nuk sheh ndonjë arsye.

“Swisscom” ofron paketa gjithëpërfshirëse roaming që siguron komunikimin edhe në BE.

“Abonimet janë ende tepër të shtrenjta”, vëren Sara Stalder, drejtor menaxhues i Fondacionit zviceran për mbrojtjen e konsumatorit SKS.

Ajo shpreson se vendimi i BE-së ka rritur presionin mbi politikën zvicerane të operatorëve të telekomit.

Jo vetëm konsumatorët zviceranë po pësojnë nga tarifat e shtrenjta roaming.

“Tashmë do të paguajnë shumë edhe turistët e BE-së në Zvicër“, paralajmërojnë nga Fondacionit zviceran për mbrojtjen e konsumatorit SKS.