Mbi 100 mijë zviceranë nuk paguajnë sigurimet shëndetësore

Gjithnjë e më shumë zviceranë nuk duan ose nuk arrijnë të paguajnë premitë e sigurimeve shëndetësore. Vetëm në kantonin e Cyrihut më 2014 ishin të hapura në llogaritë e institucioneve shëndetësore rreth 37.8 milionë franga zvicerane, pothuajse borxhi është dyfishuar në shtatë vjetët e fundit.

Edhe në nivel vendi të paktën 126.000 premi të sigurimeve shëndetësore mbeten të papaguara, pra rreth 236 milionë franga.
Heinz Brand (SVP), president i Shoqatës së sigurimeve shëndetësore, Santé Suisse, flet për një problem të madh.

“Shpenzimet janë kaluar më pas domosdoshmërisht te të siguruarit e tjerë ose në tatimpaguesit”.

Nëse nuk paguan një person preminë e tij, kantoni paguan 85 për qind të faturës, ndërsa pjesën tjetër e mbulon sigurimi.

“Por, ka edhe një kategori të klientëve, të cilët preferojnë të shpenzojnë paratë e tyre në një makinë të re ose pushime, se sa për premitë e sigurimeve shëndetësore”.

Disa kantone kanë reaguar në zhvillimin dhe listat e zeza me emrat e atyre që nuk i kanë paguar sigurimet. Në Kantonin Aargau aktualisht janë më shumë se 10.000 njerëz të regjistruar, 6900 Luzern dhe Thurgau më shumë se 5000. Derisa ata të kenë paguar borxhin e tyre, kompanitë e sigurimeve do të paguajnë trajtimet e tyre mjekësore vetëm në raste urgjente.