71 milionë të rinj të papunë deri në vitin 2017

Papunësia në mesin e të rinjve është rritur përsëri, thotë Organizata Ndërkombëtare e Punës (ILO).

Do të thotë se bëhet fjalë për një rritje prej 13.1 për qind këtë vit krahasuar me 12.9 për qind në vitin 2015, përcjell albinfo.ch.
Sipas parashikimeve të ILO-s, numri i të rinjve të papunë do të rritet me 500.000, për të arritur në 71 milionë.

Trendi i pafavorshëm është për shkak të recesionit të tregut në vendet në zhvillim, të tilla si Brazili dhe Rusia, që vuajnë nga çmime më të ulëta të mallrave.

Në bazë të zhvillimit ekonomik të tregut pritet rritje e fortë e papunësinë së të rinjve – nga 13.3 për qind vitin e kaluar në 13.7 për qind në vitin 2017.

“Të dhënat për papunësinë nuk përfaqësojnë gjithë të vërtetën në lidhje me shkallën e sfidave të tregut të punës për të rinjtë, sepse shumë prej tyre punojnë, por nuk punojnë mjaftueshëm për të dalë nga varfëria”, vuri në dukje ILO.