Valixhe të dyshimta alarmojnë aeroportin e Gjenevës

Aeroporti i Gjenevës është evakuuar të shtunën për shkak të një bagazhi të braktisur.
Të shtunën qindra njerëz janë evakuuar jashtë aeroportit të Gjenevës nga ora 15:23. Kjo nga shkaku se disa valixhe ishin harruara nga pronarët e tyre. Forcat e sigurisë nuk kanë dashur të rrezikojnë dhe kanë mbyllur aeroportin.

Policia kantonale ka konfirmuar ndërhyrjen e strukturës Nedex (Zbulimi, Neutralizimi dhe Shkarkimi i pajisjeve shpërthyese) në sektorin e nisjeve të aeroportit. Operacioni përfundoi në orën 16.55 me hapjen e valixheve, të cilat dolën të parrezikshme.