Gruaja
Dua Lipa, koncerte madhështore dhe nderime të larta në Prishtinë dhe Tiranë
Mijëra fansa dhe adhurues të muzikës më 9 gusht mbushën “Parkun e Gërmisë” në Prishtinë për të ndjekur live koncertin e këngëtares shqiptare me famë botërore, Dua Lipa.
Ndonëse performonte për herë të parë para publikut shqiptar, Dua bëri që fansat të këndonin të gjithë njëzëri këngët e saj të kthyera në hite botërore tashmë, si “Be the One” apo “Hotter than hell”, ndërsa befasi për publikun ishte edhe performanca e këngës së bashku më babain e saj, Dukagjin Lipa.
Me të njëjtën atmosferë më 10 gusht, Dua është pritur edhe në sheshin “Nënë Tereza” në Tiranë.
Këngëtarja Lipa në të dy koncertet ka përshëndetur në gjuhen shqipe gjatë gjithë kohës
adhuruesit e saj, të cilët u elektrizuan kur artistja ngriti duart lart me simbolin e shqiponjës, njofton “albinfo.ch”.
Përveç pritjes së ngrohtë nga publiku, Dua është nderuar edhe më Medaljen Presidenciale të Meritave për kontribut në kulturë nga Presidenti i Kosovës, Hashim Thaçi, si dhe më Çelësin e Qytetit të Tiranës nga kryebashkiaku, Erjon Veliaj.
“Kontributi i Duas për muzikë dhe kulturë është i çmueshëm ndërsa përpjekjet e saja humanitare për rininë e Prishtinës veç sa e thellojnë lidhjen e saj me Kosovën”, ka thënë Thaçi.
Ndërkohë kryebashkiaku i Tiranës është shprehur: “Tani Prishtina dhe Tirana janë një, kështu që nuk je veç gocë e Prishtinës dhe e Kosovës, je edhe e Shqipërisë dhe e Tiranës. Unë jam shumë i lumtur për ty dhe në emër të gjithë qytetarëve të Tiranës dua që ta ruash Çelësin dhe të kthehesh sërish këtu, teksa shkëlqen e bëhesh më e famshme, duke frymëzuar shumë njerëz”.
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?