Zvicra u mundëson refugjatëve të studiojnë

Ky semestër u mundëson refugjatëve të përcillen nga mentorët, ndërkohë një program mentoringu është në ndërtim e sipër nga universiteti i Cyrihut ETH

albinfo.ch

Në Zvicër duhet të kenë të drejtë për të studiuar të gjithë ata që tregojnë interesim dhe që kanë përgatitjen e duhur për një gjë të tillë. Këtu nuk bëjnë përjashtim as refugjatët ose azilkërkuesit, shkruan srf.ch Një qëndrim të tillë e përfaqëson Bashkësia e Shoqatave të studimit të Zvicrës VSS, përcjell albinfo.ch. Për të realizuar këtë synim, ajo ofron një semestër provues në disa universitete të vendit.

Ky semestër u mundëson refugjatëve të përcillen nga mentorët, ndërkohë një program mentoringu është në ndërtim e sipër nga universiteti i Cyrihut ETH. Kështu, nga semestri vjeshtor i këtij viti rreth 40 refugjatë do të mund të provojnë veten në këtë universitet.

Po kështu ndërkohë programe përkatëse ofrohen edhe në universitete tjera të Zvicrës, transmeton albinfo.ch. në Universitetin e Bazelit, për shembull, deri më tash kanë absolvuar një semestër provues 17 refugjatë.