Vërshime dhe përmbytje në kantonin Schwyz

Qendra e fshatit dhe rrugët përreth të Pfäffikonit janë mbuluar tërësisht nga uji ndërsa zjarrfikësit dhe forca të ndryshme të emergjencës vazhdojnë të jenë në aksion për tejkalimin e gjendjes

Keystone

Në pjesë të ndryshme të Zvicrës dje dhe mbrëmë ka mbretëruar një mot i lig e me stuhi, i cili ka shkaktuar edhe vërshime. Më së keqi e ka pësuar kantoni Schwyz, në të cilin ka pasur vërshime por edhe rrëshqitje të dheut, njofton srf.ch.

Siç bën të ditur Policia Kantonale e Schwyzit, mbrëmë janë vërshuar dhe përmbytur nga uji rrugë, bodrume dhe garazhe, përcjell albinfo.ch. Më së rëndi janë goditur lokalitetet si Pfäffikon, Wollerau dhe Schindellegi. Qendra e fshatit dhe rrugët përreth të Pfäffikonit janë mbuluar tërësisht nga uji ndërsa zjarrfikësit dhe  forca të ndryshme të emergjencës vazhdojnë të jenë në aksion për tejkalimin e gjendjes së rëndë.

Deri tash, sipas Policisë Kantoanle, qytetarët kanë bërë rreth 200 thirrje për ndihmë.

Gjatë 18 orëve të fundit, në pjesë të ndryshme të Zvicrës ka pasur reshje të mëdha shiu, përcjell albinfo.ch. Në stacionin e matjes Zürichberg, sipas Meteonews ka pasur reshje prej 60 litra në metër katror.