Ditët e Gollakut 2016, manifestim në Gjelbërishtë-Hajkobillë

Më 2 Korrik në ora 13:00 në fshatin Hajkobillë të Prishtinës mbahet manifestimi "Ditët e Gollakut 2016” organizuar nga Shoqata "Trojet e Gollakut".

Me këtë rast do të shënohet  2 Korriku, dita e shpalljes së Deklaratës Kushtetuese të vitit 1990 në Kosovë. Por edhe  4 Korriku – “Dita e Pavarësisë së SHBA-ve”.

Ftoheni të gjithë të interesuarit të janë pjesëmarrës në këtë manifestim nga të gjitha zonat e  Gollakut, Diasporës, Luginës  së Preshevës, si edhe drejtues të institucioneve lokale, qendrore, ish-deputetë të Parlamentit të vitit 1990 dhe kori diplomatik në Kosovë.

Malësia e Gollakut,  krahinë kjo që shtrihet në pjesën verilindore të Republikës së Kosovës , shënon vijën kufitare me shtetin e Serbisë.

“Territori gjeografik i kësaj Malësie , administrohet nga këto komuna: Prishtina, Podujeva, Novobërda, Kamenica, Bujanoci,Vraja,Medvegja dhe Presheva,prandaj ju bëjmë thirrje njëzëri që t’i bashkëngjitni thirrjes tonë për këtë takim sa madhështor, po edhe kombëtar, human dhe shumë i nevojshëm  qe ti kthejmë  vlerat kësaj zone edhe strategjike për Kosovën”, thuhet në ftesën e organizatorëve.

Shoqata “Trojet e Gollakut”që një kohë ka kryer një serë veprimesh dhe aktivitetesh  nga e  cila kjo datë do te shënohet me  aktivitete të ndryshme ne fusha përkatëse dhe shëndetësore qe t’i dilet në ndihmë kësaj zone.

Gjatë gjithë ditës do të jetë në dispozicion automjeti i Mamografit Mobil për kontrolle të grave (kontrolle të kancerit) pa pagesë, kontrolle të shtypjes së gjakut, analizat e Diabetit etj.

Gjithashtu do të ketë muzike popullore, folklorike dhe argëtuese. Muzika dhe argëtimi do të vazhdojnë deri në orët e vona.

Shoqata “Trojet e Gollakut” edhe në të ardhmen do të merret me prezantimin e problemeve të banorëve të Gollakut para institucioneve komunale dhe qendrore,por edhe begatimin e jetës kulturore për të rinjtë dhe qytetarët e kësaj ane.

Shoqata  “Trojet  e Gollakut” do të jetë  ngushtë e lidhur edhe me shumë shoqata dhe organizoata të kësaj ane.

Kjo shoqatë  ka si synim  të organizojë kampe dhe shumë aktivitete tjera nëpër fshatra te kësaj ane .

“Do të synohet edhe avancimi i pozitës së gruas në Gollak, përmes vizitave mjekësore, zhvillimin e bujqësisë dhe infrastrukturës nëpërmjet projekteve për gra si kultivimi dhe rritja e fidanëve të ndryshme dhe aktivitete për kthimin e banorëve të shpërngulur nga këto treva. Pra më 2 Korrik të gjithë në Hajkobillë”, thuhet në njoftimin e shoqatës “Trojet e Gollakut”.

“Mos i lëshoni trojet e Gollakut” por kthejani atyre që në një të ardhme t’i shndërrojmë edhe në pika turistike. Mos hezitoni po të jeni  aty ne dy takim impozante njëra në Gjelberishtë- Hajkobillë me 2 korrik dhe tjetra me 12-14 Gusht në Dabishec në  “Takimi Kulturor Tradicional “, përfundon njoftimi i shoqatës “Trojet  e Gollakut”