20 për qind më pak delikte dhune në Zvicër

Kjo rënie është bërë pothuaj ekskluzivisht falë uljes së sjelljeve të dhunshme të burrave të moshës së re. Në këtë grup moshe madje rënia e delikteve të dhunshme gjatë periudhës në fjalë ka rënë për 40 për qind

Në Zvicër është regjistruar një rënie e theksuar e delikteve të dhunës për disa vite me radhë. Një trend të tillë nga statistika e krimeve e kanë konfirmuar tashmë edhe shifrat e publikuara nga kompanitë e sigurimeve nga aksidentet, shkruan srf.ch

Kështu, sipas këtyre kompanive, numri i të lënduarve nga deliktet me dhunë, ka shënuar rënie prej 20 për qind nga viti 2018 deri në vitin 2014, transmeton albinfo.ch. Dhe, kjo rënie është bërë pothuaj ekskluzivisht falë uljes tsë sjelljeve të dhunshme të burrave të moshës së re, kur dihet që kjo kategori është proporcionalisht më së shumti e përfshirë në aktet e dhunës.

Por, paralelisht me këtë ulje, gjatë njëzet viteve të fundit është shtuar numri i vajzave që shkaktojnë delikte dhune, ndonëse në këtë publikim nuk janë ofruar të dhëna konkrete në këtë drejtim.

Në këtë grup moshe madje rënia e delikteve të dhunshme gjatë periudhës në fjalë ka rënë për 40 për qind.

Statistika kriminalistike regjistron në mënyrë paralele të dhënat në fjalë. Pasi që edhe statistikat e aksidenteve përfshijnë të gjithë personat që janë të siguruar nga aksidentet që ndodhin në profesion dhe në kohë të lirë.